ویب ڈیسک (پی این آئی) معروف مسیجنگ ایپلی کیشن واٹس ایپ نے ون آن ون چیٹس کے لیے ایک نیا اور کارآمد فیچر متعارف کرایا ہے۔
واٹس ایپ کے اس نئے فیچر سے صارفین کو کسی دوست یا رشتے دار سے ون آن ون چیٹ کے دوران ایونٹ آرگنائز کرنے میں مدد ملے گی۔یعنی صارفین کے لیے اکٹھے کسی کام یا تقریب کی منصوبہ بندی کرنا آسان ہو جائے گا اور دیگر ایپس کی ضرورت نہیں رہے گی۔Wabetainfo کی رپورٹ کے مطابق یہ فیچر پہلے واٹس ایپ گروپ چیٹس اور کمیونیٹیز میں دستیاب تھا مگر اب سے ون آن ون چیٹ کا بھی حصہ بنایا گیا ہے۔فی الحال یہ فیچر بیٹا (beta) ورژن میں متعارف کرایا گیا ہے جس کا مقصد گوگل کیلنڈر یا ایسی دیگر ایپس کو ٹکر دینا ہے۔
رپورٹ میں کہا گیا ہے کہ اس فیچر سے صارفین اپنے دوست کے ساتھ کسی ٹاسک کی ڈیڈلائن کو طے کرسکیں گے۔یعنی آپ واٹس ایپ پر ایونٹ سیٹ کر دیں گے جس کے بعد یہ ایپ دونوں کو بیک وقت اس بارے میں یاد دلائے گی۔تاہم جب آپ کسی کو ایونٹ کے لیے مدعو کریں گے تو یہ اس کی مرضی ہوگی کہ وہ اسے قبول کرے یا نہ کرے۔یہ نیا فیچر بیٹا ورژن میں متعارف کرایا گیا ہے تو یہ کب تک تمام صارفین کو دستیاب ہوگا، ابھی یہ کہنا مشکل ہے۔
تازہ ترین خبروں کے لیے پی این آئی کا فیس بک پیج فالو کریں
