لاہور(پی این آئی)ملک بھر میں واٹس ایپ صارفین کو دشواری کا سامنا۔۔۔ ملک بھر میں واٹس ایپ صارفین کو مشکلات کا سامنا کرنا پڑرہا ہے اور اس حوالے سے پی ٹی اے کا موقف بھی سامنے آگیا ہے۔ تفصیلات کے مطابق صارفین کو واٹس ایپ پر وائس نوٹ، تصاویر، ڈاکیومنٹ بھیجنے میں خلل کا سامنا ہے، اس معاملے پر پاکستان ٹیلی کمیونیکیشن اتھارٹی (پی ٹی اے) کا مؤقف سامنے آگیا۔ملک میں تھری اور فور جی استعمال کرنے والے صارفین کو واٹس ایپ کے استعمال میں مشکلات کا سامنا کرنا پڑ رہا ہے،
گزشتہ روز سے ملک بھر میں صارفین کو واٹس ایپ کے استعمال میں مشکلات در پیش ہیں۔اس حوالے سے پی ٹی اے کا کہنا ہے کہ ہمیں صارفین کی جانب سے کوئی شکایت موصول نہیں ہوئی، میڈیا کے نوٹس میں لانے پر معاملہ چیک کر رہے ہیں۔۔۔۔
تازہ ترین خبروں کے لیے پی این آئی کا فیس بک پیج فالو کریں
