انٹرنیشنل کرکٹ کونسل (آئی سی سی) نے چیمپینز ٹرافی 2025 کے لیے کمنٹیٹرز کا اعلان کردیا، پینل میں وسیم اکرم اور رمیز راجا سمیت دنیائے کرکٹ کے بڑے نام شامل ہیں۔
آئی سی سی چیمپئنز ٹرافی 2025 پاکستان کے تین بڑے شہروں کراچی، لاہور اور راولپنڈی کے علاوہ دبئی میں 19 فروری سے 9 مارچ تک کھیلی جائے گی۔4 بڑے شہروں میں ہونے والے آئی سی سی ایونٹ کی بھرپور براہ راست کوریج کے ساتھ ساتھ براڈکاسٹرز کے لیے ایک ورلڈ فیڈ سروس دستیاب ہوگی جو اس بات کو یقینی بنائے گی کہ شائقین کرکٹ اس ایونٹ کا ایک لمحہ بھی مس نہ کریں۔
اس کے علاوہ، ہر میچ کی کوریج سے پہلے شائقین کو دنیائے کرکٹ لیجنڈز کی جانب سے اپنی ماہرانہ رائے اور تجزیوں سے بھی آگاہ کیا جائے گا جس کے لیے آئی سی سی نے کمنٹری کی دنیا میں نام کمانے والے بہترین کمنٹیٹریز کا اعلان کردیا۔آئی سی سی کی جانب سے اعلان کردہ کمنٹری پینل میں ناصر حسین ، این اسمتھ ، این بشپ، روی شاستری ایرون فنچ، میتھیو ہیڈن، رمیز راجا ، میل جونز، وسیم اکرم ، سنیل گواسکر ، ہارشا بوگلے، مائیکل ایتھرٹن ، پومی بانگوا، سائمن ڈول، ڈیل اسٹین ، بازید خان ، دنیش کارتک شامل ہیں۔
اس موقع پر ویسٹ انڈیز سے سابق کھلاڑی اور معروف کمنٹیٹر این بشپ نے کہا کہ چیمپئنز ٹرافی کا یہ ایڈیشن اس لیے بھی خاص ہے کہ اس کے ذریعے طویل عرصے بعد پاکستان میں بڑا آئی سی سی ایونٹ ہونے جارہا ہے۔ان کا کہنا تھا کہ پاکستان کے شائقین کرکٹ دنیا میں سب سے زیادہ پرجوش ہیں، ان کی اسٹیڈیم میں موجودگی کھلاڑیوں کو بھرپور سپورٹ فراہم کرے گی جب کہ اتنے بڑے عالمی ایونٹ کے لیے کمنٹری ٹیم کا حصہ بننا ہمیشہ اعزاز کی بات ہوتی ہے۔
تازہ ترین خبروں کے لیے پی این آئی کا فیس بک پیج فالو کریں
