حیدرآباد دکن(پی این آئی) پاکستانی پریزینٹر زینب عباس کیخلاف پروپیگنڈہ کرنیوالا ہندو انتہاپسند وکیل اب محمد رضوان کیخلاف سرگرم ہوگیا۔ بھارتی سپریم کورٹ کے وکیل ونیت جندال نے پاکستان کرکٹ ٹیم کے وکٹ کیپر اور اوپنر محمد رضوان کے خلاف 6 اکتوبر 2023 کو نیدرلینڈز کیخلاف ورلڈ کپ میچ کے دوران اسٹیڈیم میں نماز ادا کرنے پر آئی سی سی کو شکایت درج کرادی۔
شکایت کی کاپی آئی سی سی ایتھکس کمیٹی، بی سی سی آئی اور پی سی بی کو بھی بھیجی گئی ہے۔ نجی ٹی وی ایکسپریس بھارت میں ورلڈ کپ کے آغاز کے بعد یہ دوسرا موقع ہے جب محمد رضوان کیخلاف شکایت کی گئی ہے۔ اس سے قبل سری لنکا سے شاندار کامیابی کو غزہ کے نام کرنے پر بھارتیوں نے محمد رضوان کیخلاف آئی سی سی سے رجوع کیا تھا۔
آئی سی سی نے بھارتی شکایات کو مسترد کرتے ہوئے کہا تھا سری لنکا کے خلاف پاکستان کی جیت کے بعد غزہ سے متعلق رضوان کی ٹوئٹ ہمارے دائرہ اختیار سے باہر ہے اور یہ انکا انفرادی معاملہ ہے۔ انتہاپسند ہندو وکیل ونیت جندال نے آئی سی سی کے چیئرمین گریگ بارکلے کو اپنی شکایت میں کہا کہ محمد رضوان نے 6 اکتوبر کو نیدرلینڈز کیخلاف میچ میں پانی کے وقفہ کے دوران اسٹیڈیم میں نماز ادا کی تھی، انکا یہ عمل کھیل کی روح کے خلاف ہے جبکہ غزہ کے حق میں دیا گیا بیان اُن کے مذہبی اور سیاسی نظریہ کی مزید تصدیق کرتا ہے۔
تازہ ترین خبروں کے لیے پی این آئی کا فیس بک پیج فالو کریں
