سابق کرکٹر شین وارن کی موت کیسے ہوئی؟ پوسٹ مارٹم رپورٹ میں حقیقت سامنے آگئی

اسلام آباد (پی این آئی )شین وارن کی پوسٹ مارٹم رپورٹ میں ان کی موت کی وجہ سامنے آگئی ۔غیر ملکی خبر رساں ایجنسی اے ایف پی کے مطابق پولیس نے سابق آسٹریلوی کرکٹر شین وارن کے پوسٹ مارٹم کے بعد ان کی موت سے متعلق اہم دعویٰ کیا ہے۔نجی ٹی وی جیو نیوز کے مطابق شین وارن کی موت کے بعد تھائی پولیس حکام نے پہلے اپنے بیان میں بتایا تھا کہ سابق کرکٹر کے کمرے کے فرش اور ان کے تولیے سے خون کے دھبے ملے ہیں۔تاہم اب پولیس نے سابق کرکٹر کی

پوسٹ مارٹم رپورٹ کےبعد کہا ہےکہ شین وارن کی موت کی وجہ طبعی ہے۔قبل ازیں تھائی لینڈ میں اپنے وِلا میں مردہ حالت میں پائے جانے والے لیجنڈری آسٹریلوی لیگ اسپنر شین وارن کی موت کے حوالے سے تحقیقات کے نتیجے میں انکشاف ہوا ہے کہ شین وارن کے کمرے کے فرش اور تولیے پر خون کے دھبے ملے۔آسٹریلوی میڈیا کے مطابق تھائی پولیس حکام نے بتایاکہ آنجہانی شین وارن کے کمرے کے فرش اور ان کے تولیے سے خون کے دھبے ملے ہیں۔پولیس کے مطابق موت سے

قبل شین وارن کو سینے میں درد اٹھا تھا جس سے اس بات کا امکان ہے کہ ان کی موت دل کے دورے کے باعث ہوئی ہے۔پولیس کے مطابق میڈیکل ٹیم نے ابتدائی طبی امداد کے طور پر جب شین وارن کے سینیکو دبایا تو انہیں کھانسی ہوئی تو ان کے منہ سے تھوک اور خون نکلا۔گذشتہ روز تھائی پولیس نے بتایا تھا کہ شین وارن کے خاندان کے افراد سے پتا چلا ہیکہ لیگ اسپنرکو دمے سمیت دل کا عارضہ لاحق تھا اور انہوں نیکچھ عرصہ قبل ہی دل کے ڈاکٹرکو دکھایا تھا۔شین وارن کے

میڈیکل ریکارڈ کو دیکھتے ہوئے تھائی پولیس نے 52 سالہ لیگ اسپنر کی موت میں کسی کے ملوث ہونیکے امکان کو رد کیا ہے تاہم معاملیکو بالکل ‘کلیئر نہیں کیا۔پولیس کا کہنا ہے معاملے کی مکمل تحقیقات کی جائیں گی تاہم موت کی اصل وجہ جاننے کے لیے پوسٹ مارٹم ضروری ہے۔