لاہور (پی این آئی)قومی کرکٹ ٹیم کے کپتان اور لاہور قلندرز کے کپتان شاہین شاہ آفریدی کے بھائی ریاض آفریدی نے کہا ہے کہ شاہین آفریدی ابھی بچہ ہے اْس کی شادی تین سے چار سال بعد کی جائیگی۔لاہور قلندرز اور ملتان سلطانز کا میچ دیکھنے کے لیے قذافی اسٹیڈیم آمد پر میڈیا سے گفتگو کرتے ہوئے سابق ٹیسٹ کرکٹر ریاض آفریدی نے کہاکہ خواہش ہے کہشاہین آفریدی بھی وسیم اکرم کی طرح کامیاب بولر بنے تاہم وہ وسیم اکرم کی جگہ نہیں لے سکتا۔انہوں نے کہا کہ مجھے
اس بات کی خوشی ہے کہ شاہین آفریدی نے جس ٹیم نے بطور ایمرجنگ کھلاڑی کیرئر کا آغاز کیا اسی ٹیم کا کپتان بنا، اللہ تعالیٰ نے شاہین شاہ آفریدی کی صورت میں پاکستان کو ایک خوبصورت تحفہ دیا ہے، اس کے مستقبل کے بارے میں کچھ بھی کہنا قبل از وقت ہے۔ریاض آفریدی نے کہا کہ وسیم اکرم بڑے کپتان اور بولر رہے ہیں ان کا ریکارڈ تو نہیں ٹوٹ سکتا تاہم شاہین آفریدی سے بہت ساری توقعات وابستہ ہیں، یقین ہے کہ وہ وسیم اکرم کی طرح وہ بھی لمبے عرصے تک
پاکستان کی کامیابیوں میں کردار ادا کرتا رہے گا۔ریاض آفریدی نے کہا کہ شاہین شاہ آفریدی بچپن سے شرمیلا ہے، اس کی یہ عادت اب بھی برقرار ہے، اب بھی اس میں شرمیلا پن ہے، میں جب کرکٹ کھیلتا تھا تو شاہین میرے ساتھ ساتھ ہوتا تھا اس نے مجھ سے بھی بہت کچھ سیکھا ہے۔ انہوں نے کہا کہ ایک بھائی کو اس سے زیادہ خوشی اور کیا ہوگی کہ اس کاچھوٹا بھائی دنیا کا بہترین بولر کہلائے، میں ہمیشہ شاہین اور پاکستان کی جیت کے لیے دعاگو رہتا ہوں۔ریاض آفریدی نے کہا کہ
جس روز علم ہوا کہ شاہین شاہ آفریدی کو بہترین کرکٹر کا آئی سی سی ایوارڈ ملا ہے، وہ لمحات یادگار تھے، خوشی ہے کہ بہت کم عرصے میں شاہین نے بڑا نام کمالیا ،لاہور قلندرز نے انہیں بہت سپورٹ کیا اور اسے کپتان بناکر جس اعتماد کا اظہار کیا وہ قابل تعریف ہے۔اْن کا کہنا تھا کہ مجھے یقین ہے کہ شاہین کی قیادت میں لاہور قلندرز کی ٹیم اچھا پرفارم کرے گی اور وہ ایک کامیاب کپتان ثابت ہوگا۔
تازہ ترین خبروں کے لیے پی این آئی کا فیس بک پیج فالو کریں
