بابر اعظم کی زندگی کا نیا سفر، شریک سفر کون ہو گا؟ فیصلہ ہو گیا

لاہور (پی این آئی )قومی کرکٹ ٹیم کے کپتان بابر اعظم زندگی کے نئے سفر پر روانہ ہونے کے لیے تیاری پکڑ رہے ہیں ۔ایک رپورٹ میںنجی ٹی وی نے دعویٰ کیاہے کہ قومی کرکٹ ٹیم کے کپتان بابراعظم کی منگنی ان کے چچا کی بیٹی سے ہو چکی ہے اور جلد ہی دولہا بھائی بننے والے ہیں ۔ رپورٹ میں بتایا گیا ہے کہ بابراعظم کی شادی آئندہ برس ہو گی ، ان کا رشتہ ان کے خاندان میں کی کزن یعنی چچا کی بیٹی سے طے ہواہے اور دونوں خاندانوں میں طے پایا ہے کہ آئندہ سال شادی کی تقریب منعقد کی جائے ۔ یہ بھی بتایا گیا ہے کہ بابراعظم کی چچا کی بیٹی سے منگنی کا قومی ٹیم کو بھی علم ہے۔خیال رہے کہ اس سے قبل قومی کرکٹ ٹیم کے سابق کپتان اظہر علی بھی بابر اعظم کو شادی کامشورہ دیا تھا۔۔۔۔۔

ویرات اور انوشکا کا بیٹی ومیکا کو سوشل میڈیا کے سامنے نہ لانے کا فیصلہ

نئی دہلی (آن لائن )بھارتی کرکٹ ٹیم کے کپتان ویرات کوہلی اور انکی اہلیہ بالی ووڈ کی مشہور اداکارہ انوشکا شرما نے اپنی بیٹی ومیکا کو سوشل میڈیا کے سامنے نہ لانے کا فیصلہ کیا ہے۔ یہ انکشاف ویرات کوہلی نے ہفتے کی شام انسٹاگرام پر، آسک می اینی تھنگ سیشن کے دوران کیا۔ اس موقع پر ویرات نے اپنی بیٹی ومیکا کے نام کا مطلب بھی بتایا۔سیشن کے دوران ایک فین نے بھارتی کرکٹ ٹیم کے کپتان سے پوچھا کہ ومیکا کا مطلب کیا ہے؟ اور وہ کیسی ہے، اور برائے مہربانی کیا ہم اسکی ایک جھلک دیکھ سکتے ہیں؟جس پر ویرات کوہلی نے جواب دیتے ہوئے کہا کہ ومیکا ایک مذہبی نام ہے اور جہاں تک جھلک دکھانے کا معاملہ ہے تو اس حوالے سے ہم نے فیصلہ کیا ہے کہ جب تک بچی اس قابل نہ ہوجائے کہ وہ خود سوشل میڈیا کو سمجھنے لگے اور اپنی پسند کا انتخاب کرسکے، تب تک ہم اسے سوشل میڈیا کے سامنے نہیں لائیں گے۔