قائداعظم ٹرافی ، ضابطہ اخلاق کی خلاف ورزی کرنے پر اسد شفیق پر کتنا جرمانہ عائدکر دیا گیا؟

کراچی(آئی این پی) قائداعظم ٹرافی فرسٹ کلاس ٹورنامنٹ میں ضابطہ اخلاق کی خلاف ورزی کرنے پر اسد شفیق پر جرمانہ عائد کر دیا گیا۔سندھ کے بیٹسمین اسد شفیق پر امپائر کے فیصلے پر ناراضگی کا اظہار کرنے پرمیچ فیس کا20فیصد جرمانہ عائد کیا گیا ۔کراچی میں جاری قائداعظم ٹرافی فرسٹ کلاس ٹورنامنٹ کے

تیسرے راؤنڈ کے میچ میں کھلاڑی اور اسپورٹ اسٹاف کے لیے مقررہ ضابطہ اخلاق کے لیول 1 کی خلاف ورزی کرنے پرسندھ کے بیٹسمین اسد شفیق پر میچ فیس کا 20 فیصد جرمانہ عائد کردیا گیا ہے۔ یوبی ایل اسپورٹس کمپلیکس کراچی میں ناردرن کے خلاف جاری میچ کے تیسرے روز اسد شفیق کو امپائر کے فیصلے پر ناراضگی کا اظہار کرنے پر جرمانہ عائد کیا گیا ہے۔یہ واقعہ سندھ کی دوسری اننگز کے 15ویں اوور میں اس وقت پیش آیا جب اسد شفیق نے ایل بی ڈبلیو آؤٹ دئیے جانے پرامپائر کے فیصلے پر ناراضگی کا اظہار کیا۔آن فیلڈ امپائرز فیصل آفریدی اور ثاقب خان نے اسد شفیق کو پی سی بی کوڈ آف کنڈکٹ کی شق 2.8 کی خلاف ورزی کرنے پر رپورٹ کیا۔اسد شفیق کی جانب سے اعتراف جرم کرنے پر میچ ریفری محمد انیس نے بیٹسمین پر جرمانہ عائد کردیا۔۔۔۔