معروف پاکستانی اداکارہ ہانیہ عامر نے سال 2025 کے لکس اسٹائل ایوارڈز میں بہترین اداکارہ کا اعزاز حاصل کر لیا۔ ان کا شاندار انداز اور جاذب نظر پرفارمنس سوشل میڈیا پر بھی خوب وائرل ہوئی۔
میڈیا انٹرویو میں ہانیہ عامر نے کہا کہ وہ تمام فنکاروں کے کام کی قدر کرتی ہیں اور امید کرتی ہیں کہ مستقبل میں ایوارڈ شوز میں مزید کیٹگریز شامل ہوں تاکہ ہر فنکار کی محنت کو سراہا جا سکے۔
کراچی میں منعقدہ لکس اسٹائل ایوارڈز 2025 میں شوبز کی نامور شخصیات نے شرکت کی اور تقریب کو یادگار بنایا۔ اس موقع پر عابدہ پروین نے اپنے دلکش اور عارفانہ کلام سے محفل کو چار چاند لگا دیے۔
ہانیہ عامر کو ڈرامہ “کبھی میں کبھی تم” میں شاندار اداکاری پر عوامی ووٹس کی بنیاد پر سال کی بہترین اداکارہ قرار دیا گیا۔
واضح رہے کہ ہانیہ عامر اس وقت اپنے کیریئر کے سنہری دور سے گزر رہی ہیں اور ان کے نام نہ صرف ملکی بلکہ بین الاقوامی سطح پر بھی متعدد بڑے اور متوقع منصوبے ہیں۔
تازہ ترین خبروں کے لیے پی این آئی کا فیس بک پیج فالو کریں
