پاکستان کی شوبز انڈسٹری کی معروف اداکارہ اور میزبان ندا یاسر ایک بار پھر اپنے متنازع بیان کی وجہ سے خبروں میں ہیں۔
حال ہی میں اپنے پروگرام میں ندا یاسر نے فوڈ ڈیلیوری رائیڈرز کے بارے میں کہا کہ وہ اکثر آرڈر کے دوران بقایا رقم ساتھ نہیں رکھتے اور صارفین سے اضافی روپے وصول کر لیتے ہیں۔ ان کے اس بیان پر نہ صرف صارفین نے ندا یاسر کی سخت تنقید کی بلکہ ساتھی فنکارہ فضا علی نے بھی انہیں آڑے ہاتھوں لیا۔ اب فوڈ ڈیلیوری رائیڈرز نے بھی اس توہین آمیز بیان کے خلاف آواز بلند کر دی ہے۔
سوشل میڈیا پر وائرل ہونے والی ویڈیو میں ایک بزرگ فوڈ ڈیلیوری رائیڈر ندا یاسر سے مخاطب ہوتے ہوئے کہتے ہیں کہ، “ہم بہت محنتی ہیں، آپ لائیو شو میں ایئر کنڈیشنر کے مزے لے کر ہمارے بارے میں ایسے الفاظ کیسے کہہ سکتی ہیں؟ اس سے ہماری دل آزاری ہوئی ہے۔” ایک اور رائیڈر نے کہا، “آپ نہیں جانتیں کہ ہم پر روزانہ کیا گزرتا ہے۔ ہم موسم اور صحت کی پرواہ کیے بغیر کھانا وقت پر پہنچانے کی کوشش کرتے ہیں۔ ہمیں آپ کی طرح سکون میسر نہیں۔ آپ کو شو میں عوامی معافی مانگنی چاہیے۔”
تازہ ترین خبروں کے لیے پی این آئی کا فیس بک پیج فالو کریں
