بھارت نے مبینہ طور پر پاکستانی ڈراموں پر غیر اعلانیہ پابندی لگاتے ہوئے انہیں نیٹ فلکس پر بلاک کرنا شروع کر دیا ہے۔ معروف اداکار اور گلوکار فرحان سعید کا کہنا ہے کہ بھارت پاکستانی کانٹینٹ کی بڑھتی ہوئی مقبولیت سے خائف ہے، اسی وجہ سے پاکستانی ڈراموں کو وہاں محدود کیا جا رہا ہے۔
فرحان سعید کے مطابق پاکستان کو عالمی پلیٹ فارمز پر مزید توجہ دینے کی ضرورت ہے کیونکہ نئی نسل ڈرامے شوق سے دیکھتی ہے اور سرحد کے اُس پار بھی پاکستانی سیریلز بڑی تعداد میں تلاش کیے جاتے ہیں۔ ان کا کہنا ہے کہ عالمی سطح پر درست نمائندگی سے پاکستان کے مواد کو مزید فروغ مل سکتا ہے۔
واضح رہے کہ بھارتی ناظرین پاکستانی ڈراموں کو بے حد پسند کرتے ہیں اور وہاں کے کئی نامور اداکار متعدد بار پاکستانی ڈرامہ انڈسٹری کی تعریف کر چکے ہیں۔
تازہ ترین خبروں کے لیے پی این آئی کا فیس بک پیج فالو کریں
