پاکستان پیپلز پارٹی کے چیئرمین بلاول بھٹو زرداری کے حقیقت پر مبنی بیان نے بھارتی اداکار اور بھارتیہ جنتا پارٹی کے رہنما متھن چکرورتی کو برہم کردیا۔ متھن نے زہریلی زبان استعمال کرتے ہوئے پاکستان پر میزائل حملے کی دھمکی دی، جس کی ویڈیو سوشل میڈیا پر گردش کر رہی ہے۔
ایک صحافی کے سوال پر متھن نے گیدڑ بھپکی دیتے ہوئے کہا کہ اگر ہمارا دماغ خراب ہوگیا تو پاکستان پر براہموس میزائل داغا جائے گا، پھر ایک اور میزائل چلے گا۔ اگر ایسا نہ ہوا تو ہم ایک ڈیم تعمیر کریں گے اور وقتِ ضرورت پر اسے کھول دیں گے، جس سے گولی تو نہیں چلے گی لیکن سونامی آ جائے گا۔ متھن چکرورتی نے مزید کہا کہ وہ پاکستان کے عوام کو اس سے الگ سمجھتے ہیں، کیونکہ وہ اچھے لوگ ہیں، اور یہ بات صرف بلاول بھٹو اور قیادت کے لیے کہی گئی ہے۔
خیال رہے کہ سابق وزیر خارجہ بلاول بھٹو نے بھٹ شاہ میں خطاب کرتے ہوئے کہا تھا کہ دریائے سندھ پر حملہ تہذیب اور ثقافت پر حملہ تصور ہوگا۔ انہوں نے کہا تھا کہ انہوں نے مودی کو دنیا کے سامنے بے نقاب کرنے کا وعدہ کیا تھا اور آج مودی بے نقاب ہو چکا ہے۔
تازہ ترین خبروں کے لیے پی این آئی کا فیس بک پیج فالو کریں
