پاپ میوزک کے لیجنڈری گلوکار مائیکل جیکسن کی مشہور جرابیں فرانس میں نیلامی کے دوران 8 ہزار 822 امریکی ڈالر (تقریباً 7 ہزار 688 یورو) میں فروخت ہو گئیں۔
غیر ملکی میڈیا کے مطابق یہ سفید ایتھلیٹک جرابیں، جن پر چمکدار رائن اسٹونز لگے ہوئے ہیں، مائیکل جیکسن نے 1997 کے عالمی دورے (ورلڈ ٹور) کے ایک کنسرٹ کے دوران پہنی تھیں، اور انہیں ان کے مشہور گانے “بیلی جین” کی ویڈیو میں بھی دیکھا جا سکتا ہے۔
نیلام گھر کی نمائندہ آروئر ایلی کے مطابق یہ جرابیں کنسرٹ کے بعد ڈریسنگ روم کے قریب ایک ٹیکنیشن کو ملی تھیں، جس نے انہیں تقریباً 28 سال تک فریم میں محفوظ رکھا۔
نیلامی کے اشتہار میں جاری کردہ تازہ تصویر کے مطابق جرابوں پر دھبے موجود ہیں اور رائن اسٹونز کی چمک بھی ماند پڑ چکی ہے، اس کے باوجود ان کی ابتدائی قیمت 3 ہزار سے 4 ہزار یورو (تقریباً 3,400 سے 4,500 امریکی ڈالر) رکھی گئی تھی۔ شائقین کی بھرپور دلچسپی کے باعث یہ قیمت بڑھتے بڑھتے 8 ہزار ڈالرز سے تجاوز کر گئی۔
تازہ ترین خبروں کے لیے پی این آئی کا فیس بک پیج فالو کریں
