بالی ووڈ اداکارہ تمنا بھاٹیا نے سابق پاکستانی آل راؤنڈر عبدالرزاق کے ساتھ تعلقات اور خفیہ شادی کی افواہوں پر پہلی بار کھل کر بات کی ہے۔
یہ افواہیں اُس وقت شدت اختیار کر گئیں تھیں جب تمنا اور عبدالرزاق کی ایک مشترکہ تصویر سوشل میڈیا پر وائرل ہوئی، جو ایک جیولری اسٹور کی افتتاحی تقریب کی تھی۔ اس تصویر کے بعد سوشل میڈیا پر دونوں کی شادی سے متعلق قیاس آرائیاں گردش کرنے لگیں۔ اب تمنا بھاٹیا نے ایک حالیہ انٹرویو میں اس حوالے سے وضاحت دیتے ہوئے کہا: “مذاق مذاق میں، عبدالرزاق! سوشل میڈیا واقعی ایک تفریح گاہ ہے، یہ سب سے بےتُکی باتیں ہیں۔”
اداکارہ نے واضح کیا کہ:”ہم صرف ایک جیولری اسٹور کی تقریب میں شریک ہوئے تھے، جہاں محض اتفاقاً ملاقات ہوئی۔ نہ اس سے پہلے کوئی رابطہ تھا، نہ بعد میں۔ ہمارا آپس میں کوئی تعلق نہیں رہا، لوگ خود ہی کہانیاں گھڑ لیتے ہیں۔” تمنا نے مزید کہا:”انٹرنیٹ پر تو یہاں تک دعویٰ کیا گیا کہ میری عبدالرزاق سے شادی ہو چکی ہے۔ معاف کیجیے گا سر، آپ کے تو بچے ہیں!” بھارتی میڈیا کے مطابق، اداکارہ نے کرکٹر ویرات کوہلی کے ساتھ مبینہ تعلقات کی افواہوں پر بھی بات کی اور کہا کہ: “میں ویرات سے صرف ایک دن ملی تھی، وہ بھی ایک شوٹ کے دوران۔ اس کے بعد نہ کوئی بات ہوئی، نہ ملاقات۔”
تمنا بھاٹیا کا یہ انٹرویو سوشل میڈیا پر خوب وائرل ہو رہا ہے، جس میں انہوں نے افواہوں کو مزاحیہ انداز میں رد کیا ہے۔
تازہ ترین خبروں کے لیے پی این آئی کا فیس بک پیج فالو کریں
