مہک ملک کے خلاف مقدمہ درج کر لیا گیا۔۔۔۔۔۔۔۔۔۔۔۔ معروف خواجہ سراء رقاصہ مہک ملک کے خلاف نجی مہندی کی تقریب میں فحش ڈانس کرنے پر مقدمہ درج کر لیا گیا۔
میڈیا رپورٹس کے مطابق رقاصہ مہک ملک سمیت 35 افراد کے خلاف ایمپلی فائر ایکٹ کی خلاف ورزی پر مقدمہ درج کیا گیا ہے، اس مقدمے میں تاحال کسی بھی ملزم کی گرفتاری عمل میں نہیں آئی ہے۔ایف آئی آر کے متن کے مطابق منڈی یزمان کے نواحی گاؤں میں منعقدہ مہندی کی نجی تقریب میں مہک ملک کو رقص کے لیے مدعو کیا گیا تھا۔تقریب کے دوران مہک ملک نے نیم عریاں لباس پہن کر فحش گانوں پر رقص کیا جبکہ دیگر ملزمان ان پر نوٹ نچھاور کر رہے تھے۔
میڈیا رپورٹس کے مطابق مقدمے میں 10 ملزمان کو نامزد جبکہ 25 نامعلوم افراد کے خلاف مقدمہ درج کیا گیا ہے۔ویب سائٹ ’دی کرنٹ‘ کی ایک رپورٹ کے مطابق مذکورہ تقریب میں کچھ سرکاری ملازمین بھی شامل تھے جن میں ایک پولیس کانسٹیبل بھی موجود تھا۔میڈیا رپورٹ کے مطابق سرکاری ملازمین کو مقدمے نامزد نہیں کیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
