ویب ڈیسک(پی این آئی) شوبز انڈسٹری کی معروف اداکارہ غنا علی نے شوبز انڈسٹری چھوڑنے کی خبروں پر وضاحت دے دی۔
فوٹو اور ویڈیو شیئرنگ ایپ انسٹاگرام پر اداکارہ غنا علی نے لکھا تھا کہ وہ اسلام کی خاطر شوبز انڈسٹری کو خیرباد کہہ رہی ہیں اور انہیں اور فیملی اپنی دعاؤں میں یاد رکھیں۔بعدازاں اداکارہ نے انسٹاگرام اسٹوریز سے یہ پوسٹ ڈیلیٹ بھی کردی تھی۔اب غنا علی نے وضاحت دیتے ہوئے کہا ہے کہ یہ پوسٹ ان نے بھائی نے بطور مذاق شیئر کردی تھی اور میرا شوبز انڈسٹری چھوڑنے کا کوئی ارادہ نہیں ہے۔
واضح رہے کہ غنا علی کا ڈرامہ ’نقاب‘ ان دنوں اے آر وائی ڈیجیٹل پر نشر کیا جارہا ہے جس میں وہ ’زارا‘ کا کردار نبھا رہی ہیں۔نقاب کی دیگر کاسٹ میں حنا طارق، علی انصاری، ہمایوں اشرف، احمد رفیق، عمارہ ملک، ودیگر شامل ہیں۔ڈرامہ سیریل ’نقاب‘ کی ہدایت کاری کے فرائض سید جاری خوشنود نقوی نے انجام دیے ہیں جبکہ اس کی کہانی شافیہ خان نے لکھی ہے۔
تازہ ترین خبروں کے لیے پی این آئی کا فیس بک پیج فالو کریں
