اداکارہ کو کیریئر کے آغاز پر نامناسب مطالبات کی فرمائش

بالی ووڈ اداکارہ انکیتا لوکھنڈے نے انڈسٹری میں کاسٹنگ کاؤچ اور خود کو ہونے والی غیراخلاقی آفر سے متعلق انکشاف کیا ہے۔

اداکارہ انکیتا لوکھنڈے نے بتایا ہے کہ مجھے اپنے ابتدائی کیریئر کے دوران کاسٹنگ کاؤچ اور نامناسب آفرز کے تجربے سے گزرنا پڑا۔انہوں نے ایک انٹرویو میں انکشاف کیا ہے کہ مجھے کردار دینے کے بدلے میں ’سمجھوتہ‘ کرنے کو کہا گیا تھا لیکن میں اِن آفرز کا سختی سے انکار کرتے ہوئے کاسٹنگ ایجنسی کے دفتر سے واک آؤٹ کر گئی تھی۔انہوں نے نام لیے بغیر بتایا کہ مجھے نامور اور بڑے ہدایت کار نے یہ غیر اخلاقی آفرز کی تھیں۔

انکیتا لوکھنڈے کے مطابق ایک بار مجھے غیر محفوظ بھی محسوس کروایا گیا۔اداکارہ کا کہنا ہے کہ ایک بار صرف نامور، بڑے اداکار کے ساتھ مصافحہ کرنے پر مجھے بہت برا محسوس ہوا تھا، میں پریشان ہو گئی تھی، مجھے اس اداکار کے آس پاس کچھ اچھا محسوس نہیں ہو رہا تھا۔انکیتا لوکھنڈے نے بالی ووڈ انڈسٹری میں ’گِیو اینڈ ٹیک‘ کی تلخ حقیقت پر بات کرتے ہوئے یہ بھی کہا کہ میں نے پھر بھی ان چیلنجز کے باوجود اپنی طاقت اور عزتِ نفس کو قائم رکھتے ہوئے اپنا ایک علیحدہ مقام بنایا جو کہ ایک بہت مشکل کام تھا۔