آئی سی سی چیمپئنز ٹرافی کے میچز جاری ہیں جس میں اب تک کا سب سے بڑا مقابلہ پاکستان اور بھارت کے درمیان 23 فروری کو دبئی میں کھیلا جائے گا۔
پاک بھارت میچ سے قبل فینز پر کرکٹ کا بخار سر چڑھ کر بول رہا ہے وہیں اداکارہ راکھی ساونت بھی کسی سے پیچھے نہیں ہیں۔راکھی ایک ویڈیو سوشل میڈیا پر بھی وائرل ہے جس میں انہیں کرکٹ کھیلتے دیکھا جاسکتا ہے۔اس دوران راکھی نے ایک شرٹ زیب تن کر رکھی ہے جس کی انوکھی بات یہ ہے کہ اس پر پاکستان اور بھارت دونوں ملکوں کا نام لکھا ہوا ہے۔
راکھی کسے سپورٹ کررہی ہیں؟بھارتی اداکارہ نے اپنی ویڈیو میں کہا کہ وہ بھارت کی بیٹی ہیں اور پاکستان کی ہونے والی بہو ہیں اس لیے وہ دونوں ٹیموں کو سپورٹ کررہی ہیں۔اداکارہ کی یہ ویڈیو سوشل میڈیا پر وائرل ہورہی ہے جس پر صارفین کی جانب سے مختلف تبصروں کا سلسلہ جاری ہے۔
تازہ ترین خبروں کے لیے پی این آئی کا فیس بک پیج فالو کریں
