پاکستانی اداکارہ میرا کی بہن شائستہ عباس نے اپنی بہن کے برطانیہ میں داخلے پر پابندی لگنے کے حوالے سے گفتگو کی ہے۔
لندن میں نمائندہ جیو نیوز سے گفتگو میں شائستہ عباس نے میرا پر عائد 10 برس کی پابندی کے حوالے سے وضاحت پیش کی۔میرا کی بہن نے بتایا کہ جب میں 6 برس کی تھی تو اس وقت ہمارے والد کا انتقال ہوگیا تھا جس کے بعد گھر کی مکمل ذمہ داری میرا پر آگئی تھی، میرا تمام بہن بھائیوں میں سب سے بڑی ہیں۔شائستہ عباس نے بتایا کہ وہ برطانیہ میں وکیل ہیں، میرا نے تمام بہن بھائیوں کو اعلیٰ تعلیم دی، تمام اہلخانہ کو والد کے انتقال کے فوراً بعد ہی برطانیہ میں سیٹل کردیا تھا، ہماری مکمل تعلیم لندن کی ہے۔
انہوں نے بتایا کہ میں کچھ وقت کے لیے پاکستان آئی تھی، وہاں بزنس کی تعلیم حاصل کی لیکن جلد ہی لندن واپس آنے کے بعد میں نے وکالت کی تعلیم حاصل کی۔شائستہ عباس مزید کہا کہ میرا نے ویزا درخواست فارم میں غلط انگریزی لکھ دی تھی جس کی وجہ سے ان پر 10 برس کی پابندی لگی تھی جو اب مکمل ہو چکی ہے۔
ان کا کہنا تھا کہ میرا کی غلطی بہت معمولی سی تھی لیکن برطانوی حکومت نے اسے بہت سنجیدگی سے لے لیا اور ان پر 10 برس کی پابندی لگا دی تھی، یہ ان دنوں کی بات ہے جب ہمارے درمیان اختلافات چل رہے تھے۔انہوں نے اپنے اور میرا کے درمیان اختلافات پر بھی بات کی اور بتایا کہ میں لندن میں رہنا چاہتی تھی جب کہ میرا پاکستان میں رہنا چاہتی تھیں اور یہ بھی چاہتی تھیں کہ میں پاکستان واپس آ کر شوبز انڈسٹری جوائن کروں لیکن میں ایسا نہیں چاہتی تھی۔
تازہ ترین خبروں کے لیے پی این آئی کا فیس بک پیج فالو کریں
