ممبئی (پی این آئی) بالی وڈ کے مشہور اداکار اجے دیوگن کی نئی فلم “سنگھم اگین” نے دیوالی کے بعد ہفتے کو بھی زبردست کامیابی حاصل کی ہے۔
فلم نے جمعہ کو 43.70 کروڑ کا بزنس کیا تھا، جس کے بعد ہفتہ کے دن مزید 44.50 کروڑ کا بزنس کیا اور شائقین کی توجہ کو اپنی طرف مائل کیا۔”سِنگھم اگین” نے 2 دن میں مجموعی طور پر 88.20 کروڑ روپے کما لیے ہیں، اور توقع ہے کہ آج ہی 100 کروڑ کا سنگ میل عبور کر لیا جائے گا۔دلچسپ بات یہ ہے کہ اس فلم کا مقابلہ” بھول بھلیاں 3″ سے ہے، جو خود بھی 40 کروڑ کے قریب کمائی کر چکی ہے، اور اس کے باوجود” سِنگھم اگین” نے اپنی مضبوط پکڑ برقرار رکھی ہے۔
اجے دیوگن اور ہدایتکار روہت شیٹی کی اس فلم کی کامیابی کا سفر جاری ہے اور امید کی جا رہی ہے کہ یہ فلم” سِنگھم ریٹرنز” اور “گول مال اگین” جیسے فلموں کے لائف ٹائم ریکارڈ بھی توڑ دے گی۔
تازہ ترین خبروں کے لیے پی این آئی کا فیس بک پیج فالو کریں
