ممبئی (پی این آئی)پاکستانی سُپر سٹارفواد خان 8 سال بعد بالی ووڈ میں واپسی کے لیے تیار ہیں۔
’فلم فیئر ڈاٹ پی کے‘ کے مطابق فواد خان اس بار بھارتی اداکارہ وانی کپور کے ساتھ نظر آئیں گے۔لالی ووڈ کی بلاک بسٹر فلم ’مولا جٹ‘، بالی ووڈ فلم ’خوبصورت‘ اور ہالی ووڈ کی فلم ’مارول‘ کا حصہ رہنے والے اداکار فواد خان اور بھارتی اداکارہ وانی کپور کے نئے پراجیکٹ کی تفصیلات کو فی الحال خفیہ رکھا جا رہا ہے۔میڈیا رپورٹس کے مطابق پروڈیوسرز اس منصوبے کا اعلان جَلد کریں گے جبکہ اس فلم کی عکس بندی برطانیہ میں ہوگی۔فواد خان اور وانی کپور کی فلم ایسٹ ووڈ سٹوڈیو میں تیار ہوگی۔
تازہ ترین خبروں کے لیے پی این آئی کا فیس بک پیج فالو کریں
