راولپنڈی (پی این آئی) نامور اسٹیج اداکارہ عائشہ صدف عرف کرینہ جان نے دعویٰ کیا ہے کہ موتی محل تھیٹر میں ان پر تشدد اور فائرنگ ہوئی ہے جس میں وہ محفوظ رہیں۔
اداکارہ نے ایک ویڈیو بیان بھی جاری کیا ہے اور الزام لگایا ہے کہ ان پر حملہ سردار تحسین نامی شخص کی طرف سے کیا گیا۔اداکارہ کے مطابق ملزم سردار تحسین نے پہلے ان کی ٹیم کے سامنے ان پر تشدد کیا پھر ان پر فائرنگ کی۔عائشہ صدف کا کہنا تھا کہ وزیرِ اعلیٰ پنجاب اور آئی جی پنجاب ان کی مدد کریں اور انہیں تحفظ فراہم کیا جائے۔دوسری جانب تھانہ وارث خان پولیس نے ملزم سردار تحسین کیخلاف مقدمہ درج کر لیا جبکہ ملزم کی گرفتاری اب تک عمل میں نہ لائی جاسکی۔
تازہ ترین خبروں کے لیے پی این آئی کا فیس بک پیج فالو کریں
