مومنہ مستحسن کس بیماری کا شکار ہو گئیں؟ مداحوں سے دعا کی اپیل

کراچی (آئی این پی) معروف گلوکارہ مومنہ مستحسن بھی کورونا وائرس کی شکار ہوگئیں۔ کورونا مثبت آنے سے متعلق انھوں نے مداحوں کو فوٹوز اینڈ ویڈیوز شیئرنگ ایپ کے ذریعے آگاہ کیا۔ مومنہ نے انسٹاگرام اسٹوری پر بتایا کہ ان کا کورونا وائرس ٹیسٹ مثبت آیا ہے، جبکہ انھوں نے اپنی تصویر بھی اس اسٹوری میں شیئر کی۔ گلوکارہ نے ساتھ میں لکھا کہ تصویر کے لیے کوئی میک نہیں، کوئی فلٹر نہیں، صرف کوویڈ-19 ہے۔ ساتھ میں ان کا یہ بھی کہنا تھا کہ ان کی زندگی میں قرنطینہ موڈ آن ہوگیا ہے۔ ۔۔۔۔۔

پاکستانی اداکارہ جس کو دو سال بعد بھی فلم ٹچ بٹن میں کام کرنے کے پیسے نہ مل سکے

کراچی (آئی این پی) معروف اداکارہ سونیا حسین نے شکوہ کرتے ہوئے کہا ہے کہ انہوں نے ایک فلم میں 2 سال پہلے کام کیا لیکن اب تک اس کے پیسے نہیں ملے۔ ایک ٹی وی پروگرام میں احسن خان کے سوال کے جواب میں سونیا حسین نے انکشاف کیا کہ انہیں فلم ٹچ بٹن میں کام کیے ہوئے دو سال ہوچکے ہیں لیکن ابھی انہیں چیک نہیں ملا۔ احسن خان نے سونیا حسین سے چیک نہ ملنے کی وجہ پوچھی تو سونیا نے کہا مجھے نہیں معلوم کہ مجھے چیک کیوں نہیں ملا۔ جس پر احسن خان نے کہا یہ لڑکی سب کچھ بول دیتی ہے۔واضح رہے کہ فلم ٹچ بٹن اداکارہ عروہ حسین کا پروجیکٹ ہے اور وہ اس فلم سے بطور پروڈیوسر فلم انڈسٹری میں قدم رکھ رہی ہیں۔ فلم میں سونیا حسین کے علاوہ اداکار فرحان سعید، فیروز خان اور ایمان علی بھی مرکزی کرداروں میں نظر آئیں گے۔ فلم کی ریلیز کورونا وبا کے باعث رکی ہوئی ہے۔۔۔۔۔