سائرہ یوسف سے علیحدگی کے دو ماہ بعد ہی شہروز سبزواری نے اداکارہ و ماڈل صدف کنول سے شادی کرلی

کراچی(پی این آئی)سائرہ یوسف سے علیحدگی کے دو ماہ بعد ہی شہروز سبزواری نے اداکارہ و ماڈل صدف کنول سے شادی کرلی،نوجوان پاکستانی اداکار شہروز سبزواری نے اداکارہ و ماڈل صدف کنول سے شادی کرلی۔شہروز سبزواری معروف اداکار بہروز سبزواری کے بیٹے ہیں اور یہ ان کی دوسری شادی ہے۔شہروز

سبزواری اور صدف کنول نے گھر والوں کی موجودگی میں کراچی میں سادگی سے نکاح کیا۔خیال رہے کہ شہروز سبزواری نے اس سے قبل سال 2012 میں سائرہ یوسف سے شادی کی تھی۔دونوں کی یہ شادی رواں برس ہی تنازعات کے بعد طلاق پر اختتام پذیر ہوئی۔واضح رہے کہ میڈیا میں خبریں گردش کرنے کے بعد شہروز سبزواری کے والد بہروز سبزواری ان دونوں کے درمیان تلخی کو آپسی معاملہ قرار دے کر طلاق کی خبروں کی تردید کرتے رہے۔تاہم اس کے کچھ عرصے بعد ہی سائرہ نے انسٹاگرام پر یہ پیغام دیا کہ انہوں نے اور ان کے شوہر نے اس شادی کو ختم کرنے کا فیصلہ کرلیا۔خیال رہے کہ اس طلاق سے متعلق سوشل میڈیا پر چہ مگوئیاں بھی شروع ہوگئی تھیں کہ شہروز سبزواری اور سائرہ یوسف کی علیحدگی کی وجہ صدف کنول ہیں۔