لاہور میں سرکاری ملازمین اور پنشنرز کے لیے خوشخبری ہے، پنجاب حکومت نے اکتوبر کی تنخواہیں اور پنشن معمول سے قبل ادا کرنے کا فیصلہ کیا ہے۔
پنجاب فنانس ڈیپارٹمنٹ کی جانب سے جاری نوٹیفکیشن کے مطابق تنخواہیں اور پنشن جمعہ 31 اکتوبر 2025 کو فراہم کی جائیں گی۔ یکم اور دو نومبر ہفتہ اور اتوار کی سرکاری تعطیلات ہونے کی وجہ سے یہ فیصلہ بروقت ادائیگی کو یقینی بنانے کے لیے کیا گیا ہے۔
سیکشن آفیسر محمد یونس کے دستخط سے جاری مراسلے میں اکاؤنٹنٹ جنرل پنجاب اور تمام ضلعی اکاؤنٹس افسران کو ہدایت کی گئی ہے کہ تنخواہوں اور پنشن کی ادائیگی کا عمل 31 اکتوبر تک مکمل کیا جائے۔
یہ سرکلر تمام انتظامی سیکریٹریز، کمشنرز، ڈپٹی کمشنرز اور ماتحت محکموں کے سربراہان کے ساتھ رجسٹرار لاہور ہائی کورٹ، ڈسٹرکٹ اینڈ سیشن ججز، گورنر اور وزیراعلیٰ کے دفاتر کو بھی بھیجا گیا ہے۔
تازہ ترین خبروں کے لیے پی این آئی کا فیس بک پیج فالو کریں
