سندھ حکومت نے ہندو برادری کے مذہبی تہوار دیوالی کے موقع پر 20 اور 21 اکتوبر کو دو روزہ تعطیلات کا اعلان کیا ہے، تاہم یہ تعطیلات صرف سرکاری محکموں میں کام کرنے والے ہندو ملازمین کے لیے ہوں گی۔
محکمہ سروسز، جنرل ایڈمنسٹریشن اور کوآرڈی نیشن کی جانب سے جاری نوٹیفکیشن میں کہا گیا ہے کہ یہ چھٹیاں سرکاری، نیم سرکاری، خود مختار اداروں اور بلدیاتی اداروں میں کام کرنے والے ہندو ملازمین کو دی جائیں گی تاکہ وہ دیوالی اپنے اہل خانہ کے ساتھ مناسکیں۔
نوٹیفکیشن میں مزید کہا گیا ہے کہ اگر کسی تعلیمی ادارے میں انہی تاریخوں پر امتحانات شیڈول ہیں تو انہیں بعد میں ری شیڈول کیا جائے گا۔
دوسری جانب سندھ ہائی کورٹ نے بھی دیوالی کے موقع پر چھٹی کا اعلان کیا ہے۔ جاری کردہ نوٹیفکیشن کے مطابق 20 اور 21 اکتوبر کو سندھ ہائی کورٹ، اس کے بینچز، ضلعی عدالتیں، وفاقی و صوبائی ٹریبونلز اور خصوصی عدالتوں میں کام کرنے والے ہندو ملازمین کو تعطیل دی جائے گی۔
تازہ ترین خبروں کے لیے پی این آئی کا فیس بک پیج فالو کریں
