الیکشن کمیشن آف پاکستان نے رکن قومی اسمبلی جمشید دستی کو نااہل قرار دیتے ہوئے ان کے خلاف اسپیکر قومی اسمبلی کی جانب سے بھیجے گئے ریفرنس پر محفوظ شدہ فیصلہ جاری کر دیا ہے۔
فیصلے میں کہا گیا ہے کہ جمشید دستی کی جانب سے قومی اسمبلی کے انتخابات کے لیے جمع کرائے گئے کاغذاتِ نامزدگی میں جعلی تعلیمی اسناد پیش کی گئیں، جو واضح طور پر انتخابی قوانین کی خلاف ورزی ہے۔ اس بنیاد پر ان کے خلاف آئین کے آرٹیکل 63 کے تحت ریفرنس الیکشن کمیشن کو ارسال کیا گیا تھا۔
الیکشن کمیشن نے جمشید دستی کے خلاف دائر دو علیحدہ درخواستوں کو منظور کرتے ہوئے انہیں رکنِ اسمبلی کے طور پر نااہل قرار دیا۔ اب وہ قومی اسمبلی کی رکنیت کے اہل نہیں رہے اور ان کی نشست کو باقاعدہ طور پر خالی تصور کیا جائے گا۔
قانونی ماہرین کے مطابق، یہ فیصلہ فوری طور پر نافذ العمل ہوگا، تاہم جمشید دستی کو اس فیصلے کے خلاف عدلیہ سے رجوع کرنے کا حق حاصل ہے۔
تازہ ترین خبروں کے لیے پی این آئی کا فیس بک پیج فالو کریں
