امریکا اور ایران کے درمیان ممکنہ تصادم کے خدشات کے پیش نظر عالمی مارکیٹ میں خام تیل کی قیمت پانچ ماہ کی بلند ترین سطح پر پہنچ گئی۔
خبر ایجنسی کے مطابق ایران پر امریکی حملے کے امکانات کے باعث خام تیل کی قیمتوں میں چار فیصد اضافہ ریکارڈ کیا گیا، جس کے نتیجے میں برطانوی برینٹ تیل کی قیمت 2.50 ڈالر اضافے کے ساتھ 70.90 ڈالر فی بیرل پر پہنچ گئی ہے۔
عالمی مارکیٹ میں خام تیل کی قیمت میں اضافے کے اثرات پاکستان پر بھی پڑنے کا امکان ہے اور ملک میں یکم فروری سے پٹرولیم مصنوعات کی قیمتوں میں بڑے اضافے کی توقع کی جا رہی ہے۔
ذرائع کے مطابق ہائی سپیڈ ڈیزل کی قیمت میں 9 روپے 47 پیسے فی لیٹر اور لائٹ ڈیزل آئل کی قیمت میں 6 روپے 95 پیسے فی لیٹر اضافے کا امکان ہے، جبکہ مٹی کے تیل کی قیمت میں 3 روپے 69 پیسے فی لیٹر اضافہ متوقع ہے۔ دوسری جانب پٹرول کی قیمت میں 36 پیسے فی لیٹر کمی کی توقع ہے۔
انڈسٹری ذرائع کے مطابق اوگرا 30 جنوری کو ورکنگ پٹرولیم ڈویژن کو قیمتوں کی سفارشات بھجوائے گا، جبکہ وزارتِ خزانہ پٹرولیم مصنوعات کی حتمی قیمت کا فیصلہ وزیراعظم کی مشاورت سے کرے گی۔
تازہ ترین خبروں کے لیے پی این آئی کا فیس بک پیج فالو کریں
