رمضان سے قبل بجلی مہنگی ہونے کا امکان، سی پی پی اے نے نیپرا میں درخواست دائر کر دی
سینٹرل پاور پرچیزنگ ایجنسی (سی پی پی اے) نے نیپرا میں ماہانہ فیول پرائس ایڈجسٹمنٹ کے تحت درخواست جمع کرائی ہے، جس کی منظوری کی صورت میں بجلی ایک ماہ کے لیے فی یونٹ 48 پیسے مہنگی ہونے کا امکان ہے۔
درخواست میں بتایا گیا کہ دسمبر میں 8 ارب 48 کروڑ 70 لاکھ یونٹس بجلی پیدا کی گئی، جبکہ ڈسکوز کو 8 ارب 20 کروڑ 80 لاکھ یونٹس فراہم کی گئیں۔ ماہ دسمبر میں بجلی کی فی یونٹ لاگت 9 روپے 62 پیسے رہی۔ بجلی کی پیداوار میں ہائیڈل کا حصہ 18.07 فیصد، مقامی کوئلے کا 13.99 فیصد، درآمدی کوئلے کا 10.13 فیصد، قدرتی گیس 11.20 فیصد، درآمدی گیس 17.24 فیصد اور نیوکلیئر ذرائع کا 25.05 فیصد رہا۔
نیپرا اتھارٹی سی پی پی اے کی درخواست پر کل سماعت کرے گی، جس کے بعد بجلی کی قیمتوں میں اضافے یا کمی کا حتمی فیصلہ متوقع ہے۔
تازہ ترین خبروں کے لیے پی این آئی کا فیس بک پیج فالو کریں
