ملک میں سیمنٹ کی ریٹیل قیمتوں میں گزشتہ ہفتے معمولی اضافہ دیکھنے میں آیا ہے۔
پاکستان بیورو برائے شماریات کے مطابق 22 جنوری کو ختم ہونے والے ہفتے میں شمالی شہروں میں سیمنٹ کی فی بوری کی اوسط ریٹیل قیمت 1381 روپے ریکارڈ کی گئی، جو پچھلے ہفتے کے مقابلے میں 0.44 فیصد زیادہ ہے، جب کہ پچھلے ہفتے یہ قیمت 1375 روپے تھی۔
جنوبی شہروں میں سیمنٹ کی فی بوری کی اوسط ریٹیل قیمت 1449 روپے ریکارڈ کی گئی، جو پچھلے ہفتے کے مقابلے میں 0.07 فیصد زیادہ ہے، پچھلے ہفتے یہ 1448 روپے تھی۔
تفصیلی اعداد و شمار کے مطابق گزشتہ ہفتے شمالی شہروں میں سیمنٹ کی اوسط ریٹیل قیمتیں اس طرح ریکارڈ کی گئی ہیں: اسلام آباد 1377، راولپنڈی 1370، گوجرانوالہ 1400، سیالکوٹ 1360، لاہور 1447، فیصل آباد 1400، سرگودھا 1403، ملتان 1392، بہاولپور 1393، پشاور 1353 اور بنوں 1300 روپے۔
جنوبی شہروں میں کراچی میں 1389، حیدرآباد 1435، سکھر 1530، لاڑکانہ 1407، کوئٹہ 1490 اور خضدار میں 1443 روپے فی بوری ریکارڈ کی گئی۔
تازہ ترین خبروں کے لیے پی این آئی کا فیس بک پیج فالو کریں
