اسلام آباد: پاکستان تحریک انصاف کے رکن قومی اسمبلی اقبال آفریدی اور خرم شہزاد کے درمیان پارلیمنٹ ہاؤس میں جھگڑا ہو گیا، جس کی ویڈیو سوشل میڈیا پر وائرل ہو گئی۔
ویڈیو میں دیکھا جا سکتا ہے کہ دونوں ایک دوسرے کو دھمکیاں دے رہے ہیں، اور اقبال آفریدی نے کہا کہ “آپ پارٹی نہیں چلا رہے، آپ ٹائوٹ ہیں۔”
اس دوران پی ٹی آئی چیئرمین بیرسٹر گوہر صلح کروانے آئے تو اقبال آفریدی نے انہیں بھی تنقید کا نشانہ بنایا اور کہا کہ “سب آپ کی غلطی ہے، آپ نے غنڈے پال رکھے ہیں ہمیں بدنام کرنے کے لیے۔”
بعد ازاں خرم شہزاد اور اقبال آفریدی کے درمیان صلح ہو گئی۔ خرم شہزاد نے کہا کہ “اقبال میرا بڑا بھائی ہے، پارٹی میں ہم ایک گھرانے کی طرح ہیں، تحفظات دور ہو گئے ہیں، جمہوریت کے لیے ہم سب اکٹھے ہیں۔”
تازہ ترین خبروں کے لیے پی این آئی کا فیس بک پیج فالو کریں
