پیپلز پارٹی پہاڑ پور کے دیرینہ اور سرگرم رہنما محمد عارف جیالہ انتقال کر گئے ہیں۔ ان کے انتقال پر پارٹی حلقوں میں سوگ کی لہر دوڑ گئی ہے اور سیاسی و سماجی شخصیات کی جانب سے تعزیت کا سلسلہ جاری ہے۔
گورنر خیبرپختونخوا فیصل کریم کنڈی نے محمد عارف جیالہ کی وفات پر گہرے دکھ اور افسوس کا اظہار کیا ہے۔ پشاور میں گورنر ہاؤس سے جاری ہونے والے ایک خصوصی تعزیتی بیان میں انہوں نے مرحوم کی خدمات کو خراج عقیدت پیش کیا۔
فیصل کریم کنڈی کا کہنا تھا کہ محمد عارف جیالہ پیپلز پارٹی کے ایک انتہائی مخلص اور وفادار کارکن تھے۔ انہوں نے اپنی تمام زندگی پارٹی کے لیے وقف کر رکھی تھی اور وہ ہر محاذ پر صف اول میں نظر آتے تھے۔
گورنر نے مزید کہا کہ مرحوم نے ہمیشہ ذاتی مفادات کے بجائے پارٹی نظریے کو فوقیت دی اور مشکل وقت میں بھی ثابت قدم رہے۔ ان کی وفات سے پارٹی ایک نظریاتی اور محنتی ساتھی سے محروم ہو گئی ہے۔
اپنے پیغام کے آخر میں گورنر خیبرپختونخوا نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگوار لواحقین کو یہ ناقابل تلافی صدمہ برداشت کرنے کی ہمت اور توفیق دے۔
تازہ ترین خبروں کے لیے پی این آئی کا فیس بک پیج فالو کریں
