مقامی مارکیٹ میں فی تولہ سونے کی قیمت میں 7 ہزار 5 سو روپے کا بڑا اضافہ ہوا ہے۔
آل پاکستان صرافہ جیمز اینڈ جیولرز ایسوسی ایشن کے مطابق 7,500 روپے کے اضافے کے بعد ملک میں فی تولہ سونا 4 لاکھ 89 ہزار 662 روپے کا ہو گیا ہے، جبکہ دس گرام سونے کی قیمت 6,431 روپے کے اضافے کے بعد 4 لاکھ 19 ہزار 549 روپے ہو گئی ہے۔
اس کے علاوہ چاندی کی قیمت میں 300 روپے فی تولہ اضافے کے بعد اس کی قیمت 9,782 روپے فی تولہ ہو گئی ہے۔ دوسری جانب عالمی منڈی میں فی اونس سونا 75 ڈالر مہنگا ہو کر 4,670 ڈالر کا ہو گیا ہے۔
تازہ ترین خبروں کے لیے پی این آئی کا فیس بک پیج فالو کریں
