ہونڈا موٹر سائیکل خریدنے کے خواہشمند صارفین کے لیے خوشخبری ہے، کیونکہ کمپنی نے بینک الفلاح کے اشتراک سے بغیر سود کے آسان اقساط پر موٹر سائیکل خریدنے کی اسکیم متعارف کروا دی ہے۔
اس اسکیم کے تحت ہونڈا کے مقبول ماڈلز CG 125، CG 150 اور CD 70 کو بینک کریڈٹ کارڈ کے ذریعے ماہانہ اقساط میں حاصل کیا جا سکتا ہے، جس سے مہنگائی کے دور میں نئی موٹر سائیکل خریدنے کا بوجھ کم ہوگا۔
بینک حکام کے مطابق ان ماڈلز پر کوئی سود وصول نہیں کیا جائے گا، تاہم صارفین کو پروسیسنگ فیس اور فیڈرل ایکسائز ڈیوٹی ادا کرنا ہوگی۔ یہ اسکیم محدود مدت کے لیے ہے اور موٹر سائیکل کی دستیابی اسٹاک سے مشروط ہے۔
ہونڈا CD 70 کی قیمت 159,900 روپے ہے اور اب اسے 26,650 روپے ماہانہ اقساط پر حاصل کیا جا سکتا ہے۔ اسی طرح CG 125 اور CG 150 بھی اس بغیر سود اسکیم کے تحت دستیاب ہیں، جس سے یکمشت بڑی رقم ادا کرنے کی ضرورت نہیں۔
موٹر سائیکل بک کروانے یا اسکیم کی شرائط اور اہلیت سے متعلق مزید معلومات کے لیے صارفین بینک الفلاح کی ہیلپ لائن یا آفیشل رابطہ ذرائع سے رجوع کر سکتے ہیں۔
تازہ ترین خبروں کے لیے پی این آئی کا فیس بک پیج فالو کریں
