اسلام آباد میں قومی سیاست نے نیا رخ اختیار کر لیا ہے، جہاں اپوزیشن اتحاد تحریک تحفظ آئین پاکستان کے مرکزی رہنما محمود خان اچکزئی کو قومی اسمبلی میں قائدِ حزبِ اختلاف مقرر کر دیا گیا ہے۔
اسپیکر قومی اسمبلی ایاز صادق کی جانب سے اس تقرری کا باقاعدہ نوٹیفکیشن جاری کر دیا گیا ہے، جس کے بعد محمود خان اچکزئی نے قومی اسمبلی میں اپوزیشن لیڈر کا منصب سنبھال لیا ہے۔ نوٹیفکیشن کے مطابق قومی اسمبلی بزنس رولز کے تحت یہ تقرری 16 جنوری 2026 سے مؤثر ہوگی۔ واضح رہے کہ قائدِ حزبِ اختلاف کا عہدہ 9 مئی کیس میں عمر ایوب خان کی نااہلی کے بعد خالی ہوا تھا۔ بعد ازاں پشتونخوا ملی عوامی پارٹی کے سربراہ اور تحریک تحفظ آئین پاکستان کے اہم رہنما محمود خان اچکزئی کو بانی پی ٹی آئی عمران خان کی جانب سے اپوزیشن لیڈر نامزد کیا گیا تھا، جس پر اب عملدرآمد ہو چکا ہے۔
تازہ ترین خبروں کے لیے پی این آئی کا فیس بک پیج فالو کریں
