اسلام آباد: فیڈرل بورڈ آف ریونیو (ایف بی آر) نے فیلڈ فارمیشنز میں خواتین کے لیے مختص 10 فیصد کوٹہ پر سختی سے عملدرآمد کی ہدایت جاری کر دی ہے اور واضح کیا ہے کہ اس معاملے میں کسی قسم کی کوتاہی قابلِ قبول نہیں ہوگی۔
ایف بی آر کی جانب سے خواتین کوٹہ سے متعلق تمام مطلوبہ معلومات فوری طور پر فراہم کرنے کے احکامات جاری کیے گئے ہیں۔ حکام کے مطابق خواتین کو سرکاری ملازمتوں میں مناسب نمائندگی دینا ادارے کی اولین ترجیح بنا دیا گیا ہے۔ ایف بی آر نے تمام کسٹمز کلیکٹریٹس اور ڈائریکٹوریٹس کو ہدایت کی ہے کہ خواتین کوٹہ سے متعلق مکمل ڈیٹا 16 جنوری تک ارسال کیا جائے، جس کے بعد یہ معلومات اسٹیبلشمنٹ ڈویژن کو بھیجی جائیں گی۔
ایف بی آر حکام کا مزید کہنا ہے کہ خواتین کی شمولیت بڑھانے کے لیے سرکاری محکموں میں سخت مانیٹرنگ کا آغاز کر دیا گیا ہے، جبکہ کسٹمز اور انٹیلیجنس دفاتر سے بھی فوری رپورٹ طلب کر لی گئی ہے۔
تازہ ترین خبروں کے لیے پی این آئی کا فیس بک پیج فالو کریں
