پاکستان میں رمضان المبارک کے چاند سے متعلق ایک اہم پیشگوئی سامنے آ گئی ہے۔
رویتِ ہلال ریسرچ کونسل کے سیکرٹری جنرل خالد اعجاز مفتی نے یکم رمضان المبارک، عیدالفطر اور عیدالاضحیٰ کی ممکنہ تاریخوں سے آگاہ کر دیا ہے۔ خالد اعجاز مفتی کے مطابق رمضان المبارک کا چاند 18 فروری کو نظر آنے کے امکانات ہیں، جس کے باعث یکم رمضان 19 فروری کو ہونے کا قوی امکان ظاہر کیا جا رہا ہے۔
انہوں نے بتایا کہ شوال کا چاند 20 مارچ کو دکھائی دے سکتا ہے، جس کے بعد ملک بھر میں عیدالفطر 21 مارچ کو منائے جانے کا امکان ہے۔ اسی طرح عیدالاضحیٰ کے حوالے سے بھی پیشگوئی کرتے ہوئے ان کا کہنا تھا کہ یکم ذوالحجہ 17 مئی کو ہو سکتا ہے، جس کے نتیجے میں عیدالاضحیٰ 27 مئی کو منائی جا سکتی ہے۔
واضح رہے کہ یہ تمام تاریخیں فلکیاتی حسابات پر مبنی ہیں، حتمی اعلان رویتِ ہلال کمیٹی چاند دیکھنے کے بعد ہی کرے گی۔
تازہ ترین خبروں کے لیے پی این آئی کا فیس بک پیج فالو کریں
