خدام الحجاج سال 2026 کے لیے سرکاری ملازمین کے انتخاب کے دوران مبینہ بے ضابطگیوں کا انکشاف ہوا ہے۔ امیدواروں نے این ٹی ایس ٹیسٹ میں ہونے والی بے ضابطگیوں کے خلاف وزیراعظم شکایت پورٹل پر شکایات درج کرائیں۔
شکایات میں کہا گیا ہے کہ بغیر فزیکل ٹیسٹ کے میرٹ لسٹ تیار کی گئی، جس سے نئے امیدواروں کے حقوق متاثر ہوئے۔ ذرائع کے مطابق، 20 دسمبر کی رات نتائج پورٹل پر اپلوڈ ہوتے ہی مخصوص افراد کو سلیکشن کے پیغامات موصول ہو گئے۔ درخواست گزار امیدوار میرٹ کی بنیاد پر شفاف انتخاب کے مطالبہ کر رہے ہیں۔ خدام الحجاج کے لیے سرکاری ملازمین سے درخواستیں 30 نومبر تک طلب کی گئی تھیں۔ مبینہ بے ضابطگیوں کے پیش نظر امیدواروں نے وزیراعظم شکایت پورٹل اور وفاقی محتسب کو درخواستیں جمع کروائی ہیں۔ ذرائع کا کہنا ہے کہ کامیاب امیدواروں کے فزیکل ٹیسٹ بھی ختم کر دیے گئے ہیں۔
وزارتِ مذہبی امور کے ترجمان نے وضاحت کی کہ ہر سال انتخاب میں 70 فیصد پرانے اور 30 فیصد نئے افراد شامل کیے جاتے ہیں، اور تمام صوبوں کو آبادی کے تناسب سے کوٹہ دیا جاتا ہے۔ سال 2026 کے لیے کے پی، بلوچستان، آزاد کشمیر، گلگت بلتستان اور سابقہ فاٹا کے سرکاری ملازمین نے درخواستیں جمع کروائی ہیں۔
تازہ ترین خبروں کے لیے پی این آئی کا فیس بک پیج فالو کریں
