اسلام آباد: حکومت نے ملک میں 5G سروسز کے جلد آغاز کا اعلان کر دیا ہے۔ وزیر آئی ٹی شزافاطمہ نے وزیرخزانہ محمد اورنگزیب کے ہمراہ پریس کانفرنس میں کہا کہ آئندہ 4 سے 6 ماہ کے اندر تمام عمل مکمل کر کے پاکستان میں 5G متعارف کرایا جائے گا۔
وزیر آئی ٹی نے بتایا کہ انٹرنیٹ نہ صرف پورے ڈیجیٹل نظام کی بنیاد ہے بلکہ اس کی رفتار اور رسائی کو بڑھانا بھی ہماری ترجیح ہے۔ انہوں نے کہا کہ 600 میگا ہرٹز اسپیکٹرم کی نیلامی (آکشن) فروری 2026 کے پہلے ہفتے تک مکمل کرنے کی کوشش ہے۔ مزید برآں، شزافاطمہ نے کہا کہ اسپیکٹرم ایڈوائزری کمیٹی کی سفارشات جلد کابینہ میں پیش کی جائیں گی اور ٹیلی کام سیکٹر سمیت دیگر متعلقہ فریقین سے مکمل مشاورت یقینی بنائی جائے گی۔
تازہ ترین خبروں کے لیے پی این آئی کا فیس بک پیج فالو کریں
