ملک میں عالمی منڈی کے اثرات کے باعث سونے کی قیمت میں مزید اضافہ ہو گیا ہے اور عالمی و مقامی گولڈ مارکیٹس میں سونا اور چاندی نئی بلند ترین سطح پر پہنچ گئے ہیں۔
آل پاکستان صرافہ جمز اینڈ جیولرز ایسوسی ایشن کے مطابق پیر کے روز 24 قیراط سونے کی فی تولہ قیمت میں 6 ہزار 200 روپے کا اضافہ ریکارڈ کیا گیا، جس کے بعد سونے کی قیمت بڑھ کر 4 لاکھ 62 ہزار 362 روپے ہو گئی۔
اسی طرح 24 قیراط کے 10 گرام سونے کی قیمت 5 ہزار 315 روپے اضافے کے بعد 3 لاکھ 96 ہزار 400 روپے تک پہنچ گئی، جبکہ عالمی مارکیٹ میں سونا 62 ڈالر کے اضافے کے ساتھ 4 ہزار 400 ڈالر فی اونس پر بند ہوا۔
دوسری جانب چاندی کی قیمتوں میں بھی اضافہ دیکھا گیا، 24 قیراط چاندی کی فی تولہ قیمت 218 روپے بڑھ کر 7 ہزار 205 روپے ہو گئی، جبکہ 10 گرام چاندی کی قیمت 187 روپے اضافے کے بعد 6 ہزار 177 روپے تک پہنچ گئی۔
تازہ ترین خبروں کے لیے پی این آئی کا فیس بک پیج فالو کریں
