رحیم یار خان کے علاقے جمال دین والی میں پیش آنے والے بس حادثے میں جاں بحق افراد کی تعداد بڑھ کر 4 ہو گئی ہے۔
گزشتہ روز جمال دین والی میں ائیرپورٹ کے قریب بس الٹنے کے نتیجے میں 3 افراد موقع پر جاں بحق جبکہ 12 زخمی ہو گئے تھے۔ تاہم اسپتال میں زیرِ علاج ایک زخمی دم توڑ گیا، جس کے بعد ہلاکتوں کی تعداد 4 ہو گئی۔ ریسکیو ذرائع کے مطابق حادثہ شدید دھند کے باعث پیش آیا، جس کے نتیجے میں بس سڑک سے اتر کر گڑھے میں جا گری۔ اسپتال انتظامیہ کا کہنا ہے کہ حادثے میں زخمی ہونے والے 2 افراد کی حالت تشویش ناک ہے، جنہیں انتہائی نگہداشت میں رکھا گیا ہے۔
تازہ ترین خبروں کے لیے پی این آئی کا فیس بک پیج فالو کریں
