پاکستان تحریک انصاف کو بڑا دھچکا لگا ہے اور ایک اور اہم رہنما نے پارٹی چھوڑ دی ہے۔ تحریک انصاف ضلع لیہ سے سجاد حسین المعروف سجن خان نے پیپلز پارٹی میں شمولیت کا اعلان کر دیا، اور چیئرمین پیپلز پارٹی بلاول بھٹو زرداری نے انہیں پیپلز پارٹی میں شامل ہونے پر خوش آمدید کہا۔
بلاول بھٹو سے دربار حضرت سلطان باہو کے گدی نشین صاحبزادہ نجیب سلطان نے بھی ملاقات کی، جنہوں نے پیپلز پارٹی کی مکمل حمایت کا اعلان کیا۔ چیئرمین پیپلز پارٹی سے بریگیڈیئر ریٹائرڈ عاصم نواز اور دیگر نے بھی ملاقات کی، جبکہ بریگیڈیئر ریٹائرڈ عاصم نواز اور سابق سٹی ناظم طاہر اعوان نے بھی پیپلز پارٹی میں شمولیت اختیار کر لی۔
یاد رہے چند روز قبل پی ٹی آئی کے تحصیل صدر میجر ریٹائرڈ طارق محمود نے بھی سماہنی میں پریس کانفرنس کے دوران پارٹی چھوڑنے کا اعلان کیا تھا۔
تازہ ترین خبروں کے لیے پی این آئی کا فیس بک پیج فالو کریں
