اسلام آباد کی ڈسٹرکٹ اینڈ سیشن کورٹس نے حقیقی آزادی مارچ سے متعلق دو مختلف مقدمات میں سابق وزیراعلیٰ خیبرپختونخوا علی امین گنڈاپور کے وارنٹِ گرفتاری جاری کر دیے۔
جوڈیشل مجسٹریٹ مبشر حسن کی عدالت میں کیس کی سماعت ہوئی، جس کا تحریری حکمنامہ بھی جاری کر دیا گیا ہے۔ عدالت کے مطابق علی امین گنڈاپور متعدد بار طلب کیے جانے کے باوجود پیش نہیں ہوئے، جس پر یہ کارروائی کی گئی۔ عدالت نے دونوں مقدمات کی مزید سماعت 5 جنوری تک ملتوی کر دی ہے۔ واضح رہے کہ بانی پی ٹی آئی، شاہ محمود قریشی، زرتاج گل اور دیگر افراد ان مقدمات میں پہلے ہی بری ہو چکے ہیں، جبکہ علی امین گنڈاپور سمیت دیگر ملزمان کے خلاف تھانہ بارہ کہو میں دو مقدمات درج ہیں۔
تازہ ترین خبروں کے لیے پی این آئی کا فیس بک پیج فالو کریں
