ملک بھر کے شہری رواں مہینے کے آخر میں ایک ساتھ چار چھٹیوں سے لطف اندوز ہو سکیں گے۔
25 دسمبر بروز جمعرات ملک بھر میں قائداعظم محمد علی جناح کا یوم پیدائش اور کرسمس منایا جائے گا، اس موقع پر ملک بھر میں عام تعطیل ہوگی جبکہ سرکاری و نجی ادارے بند رہیں گے، جبکہ 26 دسمبر بروز جمعہ بھی پاکستان کی مسیحی برادری کے لیے ایک اضافی تعطیل مقرر کی گئی ہے جو کمیونٹی کی خصوصی مذہبی اور روایتی سرگرمیوں کے لیے دی جا رہی ہے۔
ہفتہ اور اتوار کی سرکاری تعطیلات شامل ہونے سے شہری مسلسل چار دن کی چھٹیوں سے فائدہ اٹھا سکیں گے۔
واضح رہے کہ وفاقی حکومت نے رواں سال کے آغاز میں 2025 کا سالانہ تعطیلاتی کیلنڈر جاری کیا تھا جس میں قومی اور مذہبی اہمیت کے تمام دنوں کی تفصیلات شامل تھیں، اسی کیلنڈر کے تحت 25 دسمبر کی ملک گیر تعطیل اور 26 دسمبر کی مسیحی برادری کے لیے مخصوص چھٹی پہلے ہی طے کی جا چکی تھیں۔
تازہ ترین خبروں کے لیے پی این آئی کا فیس بک پیج فالو کریں
