الیکشن کمیشن نے اسلام آباد میں بلدیاتی انتخابات کے شیڈول کا اعلان کر دیا ہے۔ شیڈول کے مطابق انتخابات 15 فروری کو ہوں گے جبکہ پولنگ صبح 8 بجے سے شام 4 بجے تک جاری رہے گی۔
ترجمان الیکشن کمیشن کا کہنا ہے کہ ریٹرننگ افسران نامزدگی فارم کے لیے پبلک نوٹس 19 دسمبر کو جاری کریں گے۔ امیدوار 22 دسمبر سے 27 دسمبر تک اپنے کاغذات نامزدگی جمع کرا سکیں گے۔ ان کاغذات کی جانچ پڑتال 30 دسمبر سے 3 جنوری 2026 تک مکمل کی جائے گی۔ شیڈول کے تحت اپیلیں 5 جنوری سے 8 جنوری تک دائر ہوں گی جبکہ ٹربیونلز 9 سے 13 جنوری تک فیصلہ سنائیں گے۔ امیدواروں کے لیے کاغذات نامزدگی واپس لینے کی آخری تاریخ 15 جنوری مقرر کی گئی ہے، جس کے بعد 16 جنوری کو امیدواروں کی حتمی فہرست جاری کی جائے گی۔
انتخابی نشان بھی 16 جنوری کو الاٹ کیے جائیں گے، جبکہ پولنگ 15 فروری کو ہوگی۔ نتائج 16 فروری سے 19 فروری کے دوران مرتب کیے جائیں گے۔
تازہ ترین خبروں کے لیے پی این آئی کا فیس بک پیج فالو کریں
