اسلام آباد: وفاقی حکومت نے پی ٹی آئی کے اہم رہنماؤں کے بیرون ملک جانے پر پابندی عائد کر دی ہے۔
اے آر وائی نیوز کے مطابق، 9 مئی کے فسادات کے بعد ان رہنماؤں کے نام ایگزٹ کنٹرول لسٹ (ECL) میں ڈالنے کی باقاعدہ منظوری دی گئی ہے۔ محکمہ داخلہ پنجاب نے فہرست وفاقی حکومت کو بھیجی، جس کے بعد ای سی ایل کمیٹی نے سفارشات کی منظوری کے لیے حکومت کو ارسال کی۔ ای سی ایل میں شامل رہنماؤں میں عمران خان، شاہ محمود قریشی، عمر ایوب، فواد چوہدری، شبلی فراز، علی امین گنڈاپور، شہریار آفریدی اور عثمان ڈار کے نام شامل ہیں۔
اسی طرح، شیریں مزاری، زرتاج گل، مسرت چیمہ اور کنول شوزب کے نام بھی اس فہرست میں شامل کیے گئے ہیں۔ ذرائع کے مطابق شیخ رشید، طاہر صادق، راجہ بشارت، وارث قیوم اور دیگر رہنماؤں پر بھی بیرون ملک جانے کی پابندی عائد کی گئی ہے۔
تازہ ترین خبروں کے لیے پی این آئی کا فیس بک پیج فالو کریں
