پاکستان میں 40 ہزار روپے مالیت کے پریمیم پرائز بانڈ کے سرمایہ کاروں کے لیے اہم خبر یہ ہے کہ سال 2025 کی آخری قرعہ اندازی کی تاریخ کا اعلان کر دیا گیا ہے۔ نیشنل سیونگز سینٹر کے مطابق یہ قرعہ اندازی 10 دسمبر 2025 کو سیالکوٹ میں ہوگی۔
پریمیم پرائز بانڈ عام قومی بانڈز سے مختلف ہے کیونکہ یہ رجسٹرڈ بانڈ ہوتا ہے اور سرمایہ کار کے نام جاری کیا جاتا ہے۔ بانڈ ہولڈر نہ صرف ہر چھ ماہ بعد منافع حاصل کرتا ہے بلکہ ہر سہ ماہی ہونے والی قرعہ اندازی میں بھی انعام جیتنے کے اہل ہوتے ہیں، بشرطیکہ شیڈول کے مطابق ’شٹ پیریڈ‘ کی پابندی کی جائے۔
انعامات میں پہلے انعام کے لیے 8 کروڑ روپے، دوسرے انعام کے لیے تین انعامات میں ہر ایک کے لیے 3 کروڑ روپے اور تیسرے انعام کے لیے 5 لاکھ روپے رکھے گئے ہیں۔ حکومتی پالیسی کے مطابق پریمیم پرائز بانڈز اور ان پر ملنے والا منافع زکوٰۃ سے مستثنیٰ ہے، تاہم منافع اور انعامی رقم پر ود ہولڈنگ ٹیکس موجودہ شرح کے مطابق لاگو ہوگا۔
سرمایہ کار اور کسٹمرز 10 دسمبر کی قرعہ اندازی کا بے صبری سے انتظار کر رہے ہیں، کیونکہ یہ سال کی آخری بڑی قرعہ اندازی ہے جس میں کروڑوں روپے کے انعامات رکھے گئے ہیں۔
تازہ ترین خبروں کے لیے پی این آئی کا فیس بک پیج فالو کریں
