گوگل نے 2025 میں پاکستان میں سب سے زیادہ تلاش کیے جانے والے موضوعات کی فہرست جاری کر دی ہے جس میں سات کیٹیگریز شامل ہیں۔ ان میں کرکٹ، ایتھلیٹس، مقامی خبریں، ٹیکنالوجی، کھانوں کی تراکیب، ہاؤ ٹو سرچز اور ڈرامے شامل ہیں۔ گوگل کے مطابق یہ فہرست سال بھر کی کھربوں سرچز میں سے اُن موضوعات پر مبنی ہے جو تیزی سے مقبول ہوئے۔
مقامی خبروں میں سب سے زیادہ تلاش پنجاب سوشل اکنامک رجسٹری کی گئی۔ اس کے بعد کراچی فلڈز، ایران سے متعلق خبریں، آسان کاروبار کارڈ، دریائے چناب میں سیلابی صورتحال، فیڈرل بورڈ اور کراچی بورڈ کے میٹرک نتائج، وزیراعظم لیپ ٹاپ اسکیم، پاکستان میں سونے کی قیمت اور نویں جماعت کے امتحانات کی تاریخ سب سے زیادہ سرچ کی گئیں۔
کرکٹ میں سب سے زیادہ تلاش پاکستان بمقابلہ جنوبی افریقہ رہی۔ اس کے بعد پی ایس ایل، ایشیا کپ، پاک–بھارت میچ، پاک–نیوزی لینڈ، بھارت–انگلینڈ، پاک–ویسٹ انڈیز، بھارت–آسٹریلیا، آئی سی سی چیمپئنز ٹرافی اور پاک–یو اے ای شامل رہے۔
ایتھلیٹس میں سب سے زیادہ سرچ بھارتی کرکٹر ابھیشیک شرما رہے۔ دوسرے نمبر پر حسن نواز، تیسرے پر عرفان خان نیازی، چوتھے پر صاحبزادہ فرحان، پانچویں پر محمد عباس، چھٹے پر صائم ایوب، ساتویں پر یاسر خان، آٹھویں پر کاشت علی، نویں پر سیف حسن اور دسویں پر عبدالصمد رہے۔
ٹیکنالوجی میں سب سے زیادہ سرچ گوگل جیمنائی رہی۔ اس کے بعد تماشا، ڈیپ سیک، مائی کو، On4t، گوگل اے آئی اسٹوڈیو، Claude، آئی فون 17، Grok اور نان فنجیبل ٹوکن شامل تھے۔
ہاؤ ٹو کی فہرست میں سب سے زیادہ یہ تلاش کیا گیا کہ کراچی کا ای چالان کیسے چیک کیا جائے۔ اس کے بعد انسٹاگرام پر میسج اَن سینڈ کرنے کا طریقہ، کار انشورنس، کرپٹو مارکیٹ میں سرمایہ کاری، اسٹاک مارکیٹ میں سرمایہ کاری، کریڈٹ کارڈ کے لیے اپلائی کرنا، Ghibli فوٹو بنانا، بہترین وکیل کا انتخاب، فون سے پرنٹ نکالنا اور بلاگ اپ لوڈ کرنے کا طریقہ تلاش کیا گیا۔
ریسیپیز میں سب سے زیادہ تلاش سینڈوچ ریسیپی کی گئی۔ اس کے بعد فوڈ فیوژن ریسیپیز، Quinoa ریسیپیز، Dough ریسیپیز، میٹھے پکوان، مٹن ریسیپیز، آسان ریسیپیز، Tofu ریسیپیز، سوپ ریسیپیز اور بیف ریسیپیز تلاش کی گئیں۔
تازہ ترین خبروں کے لیے پی این آئی کا فیس بک پیج فالو کریں
