شدید دھند اور حدِ نگاہ میں نمایاں کمی کے باعث موٹروے ایم ون پشاور تا برہان اور ایم فائیو ظاہر پیر سے اوچ شریف تک ٹریفک کے لیے بند کر دی گئی ہے۔
موٹروے پولیس کا کہنا ہے کہ گھنی دھند کے سبب ڈرائیورز کی محفوظ ڈرائیونگ ممکن نہیں رہی، اسی لیے شہری غیر ضروری سفر سے گریز کریں۔ پنجاب کے کئی شہری علاقوں میں دھند اور اسموگ نے صورتحال مزید بگڑ دی ہے۔ کچھ دیر قبل لاہور 397 ایئر پارٹیکولیٹ میٹر کے ساتھ پنجاب کا سب سے زیادہ آلودہ شہر قرار پایا۔ محکمہ ماحولیات پنجاب کے مطابق قصور میں اے کیو آئی 368، مظفر گڑھ میں 315 جبکہ نارووال میں 311 ریکارڈ کیا گیا۔
ماحولیاتی ویب سائٹ کے مطابق گوجرانوالہ میں اے کیو آئی 308 رہا، جبکہ لاہور 194 اے کیو آئی کے ساتھ دنیا کے آلودہ ترین بڑے شہروں میں چوتھے نمبر پر موجود ہے۔
تازہ ترین خبروں کے لیے پی این آئی کا فیس بک پیج فالو کریں
