پی آئی اے کا دنیا بھر میں ہزاروں طیاروں میں سافٹ وئیر کے مسئلہ پر اہم پیغام

دنیا بھر میں ایئربس اے320 طیاروں کی سافٹ ویئر خرابی، کئی ممالک کی پروازیں منسوخ

عالمی سطح پر ایئربس کے تقریباً 6 ہزار اے320 طیارے سافٹ ویئر کی خرابی کے سبب متاثر ہوئے، جس کی وجہ سے کئی ممالک کو پروازیں منسوخ کرنا پڑیں۔ مسئلہ جہاز کے اونچائی کا حساب لگانے والے نظام میں خرابی پیدا کرنے والا تھا، جو اکتوبر میں امریکی ائیر لائن جیٹ بلیو کے ایک جہاز کے ہنگامی لینڈ کرنے کے واقعے کے بعد سامنے آیا۔

پی آئی اے نے واضح کیا کہ اس کے اے320 جہاز اس خرابی سے محفوظ ہیں کیونکہ متعلقہ سافٹ ویئر (ELAC-EL 104) اس کے طیاروں میں انسٹال نہیں تھا، لہٰذا قومی ائیر لائن کے تمام جہاز معمول کے مطابق پروازیں جاری رکھیں گے۔ پی آئی اے نے مسافروں کو یقین دہانی کرائی کہ فلائٹ شیڈول متاثر نہیں ہوگا اور سروس بلا تعطل جاری رہے گی۔

ایئربس کے مطابق زیادہ تر متاثرہ طیاروں میں صرف مختصر سافٹ ویئر اپ ڈیٹ کرنا ہوگا، جبکہ تقریباً 900 جہازوں میں کمپیوٹر تبدیل کرنے کی ضرورت ہوگی، جس تک وہ طیارے گراؤنڈ رہیں گے۔ کمپنی نے بتایا کہ شدید شمسی تابکاری کے اثرات نے جہاز کے کمپیوٹر ڈیٹا کو متاثر کیا۔